фото: twitter.com/BurnleyOfficial

ВИДЕО: Чурлинов ја креираше акцијата за триумф на Барнли во англискиот Лига куп

Барнли успешно стартуваше во англискиот Лига куп со победата на гостувањето кај Шрузбери таун со резултат 0:1.

Единствениот погодок беше реализиран во 50 минута кога стрелаше Бастиен после асистенцијата на Бенсон за пласман во следната рунда.

Македонскиот репрезентативец Дарко Чурлинов за првпат беше стартер во составот на Винсен Компани и имаше придонес во споменатата победа.

Токму нашиот играч ја креираше победничката акција, во прав момент ја подаде топката со Бенсон кој го пронајде Бастиен, а овој со прецизен удар успеа да ја смести топката во противничката мрежа.

По мечот менаџерот на Барнли, Винсен Компани изјави дека во следните натпревари сезонава Чурлинов може уште повеќе да напредува.

Новиот ривал на Барнли ќе се дознае по денешната жрепка за третата рунда. На видео записот можете да погледнете како Чурлинов придонесе во победничкиот гол против Шрузбери таун:

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот