Иако уморни од вчерашниот о Португалија, кошаркарите на Србија успеаа да извојуваат важна победа над Летонија со 80-84 во рамки од третото коло во натпревар кој се играше во „Арената Рига“.

Најзаслужен за победата на Србија беше Никола Јокиќ, кој со 39 поени ги водеше своите соиграчи до трет триумф. Србија со овој триумф веќе го осигура пласманот во следната фаза, а во претстојниот дуел со Турција ќе се решава кој ќе го освои првото место во групата.

Натпреварот почна во грч од двете страни, но српската селекција беше прецизна од линијата за слободни фрлања, а токму таа стабилност им овозможи да дојдат до предност. Јокиќ и Јовиќ беа клучните фигури во тие моменти, а центарот на Денвер уште во првото полувреме стигна до двоцифрен број поени.

Иако Летонците се вратија во игра и се доближија на само „минус четири“, Јокиќ во клучен момент погоди тројка што ги сруши надежите за пресврт. За Србија, покрај Јокиќ, се истакна и Петрушев со 12 поени, додека кај домаќините најефикасни беа Кристапс Порзингис со 17 и Давидс Бертанс со 16 поени.

Треба да се напомене дека Србија во овој натпревар беше без Богдан Богдановиќ кој претрпе повреда во натпреварот со Португалија.