Денеска во 16 коло во фудбалското првенство на Хрватска екипите на Вараждин и Истра 1961 ремизираа со 2:2.

Вараждин поведе во 16 минута со голот на македонскиот репрезентативец Димитар Митровски за 1:0. За нашиот играч тоа е вкупно четврти погодок оваа сезона.

Предноста беше зголемена во 31 минута преку Дабро, а пред паузата намали Валинчиќ (44`). Конечниот епилог го постави Вук од пенал во 83 минута.

Митровски настапи до 63 минута кога резултатот беше 2:1. Вараждин кој веќе четири меча нема победа, се наоѓа на седмото место на табелата во шампионатот со 27 бодови.

Во следното коло тимот на Митровски ќе игра против Осиек на гостински терен на 15 март.