Eкипата на Челси славеше победа во дербито од Премиер лигата против Тотенхем и така ја израдува Астон Вила која остана со солидна предност на четвртата позиција.

Тотенхем не смееше да си дозволи кикс откако стана јасно дека Премиер лигата нема да има пет учесници во Лигата на шампионите наредната сезона, меѓутоа денес тимот од Северен Лондон не можеше ништо против „сините“.

До водство Челси дојде со голот на Чалоба по само 24 минути игра кој погоди по нафрлената топка од Галагер.

На 20-тина минути до крајот Џексон една одбиена топка смести во мрежата и ги постави конечните 2:0. На табелата Астон Вила е четврта со 67 бода, додека Тотенхем има 60, но и натпревар помалку.