Актерот Килијан Марфи се појави во „Шоуто на Греам Нортон“ со неколку други познати гости  и повторно ги насмеа обожавателите со својот „незаинтересиран израз на лице“.

Поради неговиот природен изглед на лицето, Марфи изгледаше како да му е здодевно додека пејачката Тејлор Свифт ентузијастички зборуваше за нејзината свршувачка со ѕвездата на НФЛ, Тревис Келси, пишува „Дејли мејл“.

Марфи и претходно беше предмет на шеги поради неговите незаинтересирани изрази на лицето на јавни настани, а неговото последно појавување не беше исклучок.

„Тука сум само поради изразите на лицето на Килијан“; „Дали е само за мене или Килијан изгледа како навистина да не му е гајле, но се обидува да изгледа заинтересиран?“; „Килијан ме насмева“; „Подготвеноста на Килијан да биде со луѓе е секогаш на 10 проценти“; „Најдете ми нешто што му е гајле“; „Тотално го разбирам“, напишаа дел од обожавателите на социјалните мрежи.

Многу коментари сугерираа дека ова нема никаква врска со пејачката лично, туку дека актерот реагира на повеќето работи со иста незаинтересираност. На пример, Марфи имаше многу успешна вечер на Златните глобуси во 2024 година, кога ја освои наградата за најдобар актер во драма за „Опенхајмер“. Сепак, она што најмногу го привлече вниманието на обожавателите беа изразите на незаинтересираност на лицето на актерот, и покрај тоа што однесе дома една од најголемите награди.

Покрај тоа, Свифт и Марфи се чини дека всушност добро се сложуваат. Пејачката дури се сети дека се дружела со него и неговото семејство на забавата за Оскар, а Свифт дури и препозна еден од синовите на Марфи во публиката. Свифт, исто така, истакна дека децата на Марфи се прекрасни и дека се многу интересни соговорници.