Познатиот британски готвач Џејми Оливер го открива вистинскиот начин на подготовка на англиска кајгана. Тајната не е во состојката, туку во една техника.

Славниот готвач сподели едноставен рецепт за најдобрата англиска кајгана.

Кајганата е омилениот појадок на многумина, а иако е исклучително лесен за подготовка, постојат трикови што вреди да ги запишете во вашиот тефтер со рецепти, кои ќе ја направат совршено вкусна. Свои трикови има и познатиот готвач Џејми

Оливер, кој најдобро знае како на едно обично јадење да му даде посебна магија и шмек.

Во видеото на Јутјуб „Како да направите совршена кајгана“, Џејми Оливер советува како да ја направите уште подобра, иако со текот на годините на подготовка на овој појадок, сигурно сте се извештиле.

Џејми сподели совет како да направите француска и американска кајгана, но овој рецепт е за англиска кајгана.

– Јајцата од кокошка се највкусната и најевтината форма на протеин на планетата, ова е факт. Содржат грст микронутриенти и брзо се готват – истакнал Оливер.

Ако правите кајгана за двајца, доволни се две јајца по човек, вели тој. Изматете ги во сад и додајте малку сол.
Загрејте ја ринглата на умерена температура, во тавата ставете го путерот и ставете на загреаната рингла. Потоа додајте ги јајцата и кога тие ќе почнат малку да се згуснуваат, мешајте на секои 5 секунди.

Оливер тврди дека, иако некои луѓе додаваат млеко или павлака, тоа не е неопходно за да бидат кремасти, кога јајцата убаво се приготвуваат.

Кога ќе ги тргнете од ринглата, јајцата ќе продолжат да се пржат, бидејќи тавата сè е уште врела. За да не изгорат, преместете ги јајцата на едната страна од тавата.

Сипете ги врз тост-лебот, кој можете да го премачкате со путер, а и не мора, бидејќи јајцата веќе имаат путер од пржењето.

Можете да ги јадете со сланина, колбас, домати или грав, за вистински англиски појадок.