Хрватскиот репрезентативец Марсело Брозовиќ (30) и официјално е нов фудбалер на Ал-Наср од Саудиска Арабија, во чии редови настапува Кристијано Роналдо.

Поранешниот фудбалер на Интер успеа да се договори за личните услови, но мораше да се согласи на помалку од 30.000.000 евра по сезона кои првично ги бараше.

Како што пренесува познатиот италијански инсајдер Фабрицио Романо, Брозовиќ потпишал договор на три сезони и ќе заработува од 27 до 28 милиони евра годишно. Брозовиќ на тој начин стана најплатениот хрватски фудбалер во историјата.

Преговорите меѓу двете страни траеја доста долго, а на крајот миланските „нераѕури“ ќе добијат 18.000.000 евра надомест.

По осум години одлучи да го напушти Интер, а во кариерата го носеше и дресот на Хрватски Драговољац, Локомотива и Динамо Загреб.

Со Интер успеа во сезоната 2020/2021 да ја освои Серија А, по двапати Купот и Суперкупот на Италија, а по еднаш беше финалист во Лигата на шампионите и Лига Европа.

? كلّ الأعيـن تريده ?
لكنّه اختـــار #النصر ?#بروزفيتش_نصراوي#BrozovićIsYellow ? pic.twitter.com/YtwUmV2fHf

— نادي النصر السعودي (@AlNassrFC) July 3, 2023

اخترتك مـن النـاس للقلـب خلّـه ?#بروزفيتش_نصراوي#BrozovićIsYellow ? pic.twitter.com/aoFuQGuFHO

— نادي النصر السعودي (@AlNassrFC) July 3, 2023