Претседателката на Парламентот на Србија и поранешна премиерка, Ана Брнабиќ, водејќи ја денешната пленарна седница, во еден момент се пожали на главоболка и побара таблета против болки.

На ова реагираше пратеник од опозицијата, кој веднаш пријде кон спикерката ѝ и подаде апче „кафетин“, брендот на македонскиот производител на лекови „Алкалоид“.

„Кафетин“ е еден од најшироко прифатените македонски производи во регионот на поранешна Југославија, но иако лекот е популарен како доверлив аналгетик кој помага при многу различни видови болка, прашање е дали и тој ќе биде доволен за да ги смири главоболките на Брнабиќ и нејзиниот ментор, Александар Вучиќ, предизвикани од актуелната политичка ситуација во Србија.