Уште еден доказ дека Наполи има намера сезонава да ја освои титулата во Серија А. Играчите на Лучано Спалети во дербито од 31 коло во Торино го совладаа Јувентус со резултат 0:1.

После ремито со Верона, „наполитанците“ им се вратија на победите и против „Старата дама“ која пак го претрпе третиот пораз во низа.

Единствениот гол се случи во 93 минута кога македонскиот репрезентативец Елиф Елмас убаво го пронајде Џакомо Распадори за огромна радост кај фудбалерите и навивачите на клубот од Неапол.

Нашиот фудбалски „дијамант“ влезе во игра од 68 минута како замена за Лозано.

Наполи е многу блиску до освојување на Скудетото, моментно на седум кола до крајот е на првото место со 78 бодови, 17 повеќе од второпласираниот Лацио, а третопласиран е Јуве со 59.

Gol de Raspadori. Gol de Raspadori para darle la victoria ak Napoles sobre la Juventus y practicamente ya el titulo del calcio a el Napoli.pic.twitter.com/ZNzLIejyL5

— Carlos Lamb (@CarlosLamb_) April 23, 2023