ВИДЕО | Босна и Херцеговина ја совлада Грузија за осминафинале на Евробаскет
Натпреварот со многу подеми и падови, по многу драма, заврши во корист на кошаркарите на Босна и Херцеговина. Босанците имаат големи причини да бидат среќни, бидејќи го фатија летот до нокаут фазата на Евробаскетот. Избраниците на селекторот Азиз Бекир денеска ја победија Грузија со 80:74 (20:15, 27:20, 20:27, 13:12) и со тоа го обезбедија пласманот во следната рунда.
Препорачано
-
1
-
2
-
3
Не е познато дали селекцијата на БиХ ќе заврши како трета или четврта во групата Ц, за тоа ќе мора да почека на конечниот исход од дуелот меѓу Шпанија и Грција. Сепак, тоа не е толку важно со оглед на тоа што првичната цел беше постигната. Дури пет кошаркари од БиХ го завршија мечот со двоцифрен број поени, Јусуф Нуркиќ имаше дабл-дабл учинок од 15 поени и 12 скока.
Босанските репрезентативци постигнаа 14 тројки во овој дуел. Одличната прецизност од далечина им даде двоцифрена предност. Второто полувреме не беше толку добро за играчите на Бекир, бидејќи им дозволија на Грузијците целосно да ја стопат негативата од 15 поени.
The moment called 📞, and Lazic answered. 🔥#EuroBasket x @BFBiH pic.twitter.com/rA3tmHKbqh
— FIBA EuroBasket (@EuroBasket) September 4, 2025
EDIN ATIC OUTTA NOWHERE 😳#EuroBasket | #MakeYourMark pic.twitter.com/HLu1voRUmG
— FIBA EuroBasket (@EuroBasket) September 4, 2025
Грузија успеа да дојде и до нерешени 71:71, но со тројките на Џон Робертсон и Александар Лазиќ, репрезентацијата на БиХ кога беше најпотребно повторно направи предност од „плус девет“ (80:71) на три и пол минути до крајот на натпреварот. Цврстата одбрана на БиХ ја задржа предноста до самиот крај на средбата.
Шпанија беше тимот што најмалку го очекуваше овој резултат. Тие дефинитивно навиваа за Грузија, што ќе значеше загарантирано место во следната рунда за нив. На овој начин, постои огромна шанса нокаут фазата да се игра без актуелните европски шампиони, бидејќи во случај на пораз од Грците тие ќе завршат петти на табелата – поради лошиот резултат во меѓусебните натпревари со Грузијците.
LAZIC SEALS THE DEAL!#EuroBasket | #MakeYourMark pic.twitter.com/ork2MHw6mL
— FIBA EuroBasket (@EuroBasket) September 4, 2025
