Фудбалската репрезентација на Босна и Херцеговина триумфираше и во својот четврти натпревар од квалификациите за пласман на Светското првенство во 2026 година.

На гостински терен избраниците на селекторот Сергеј Барбарез на гостински терен со конечен резултат 6:0 го декласираа составот на Сан Марино.

Домаќините останаа со играч помалку од 16 минута поради црвениот картон на Голинучи и тоа им помогна на Босанците да ја почнат гол серијата преку Тахировиќ.

Во второто полувреме за 120 секунди Џеко запиша два гола, а во финишот од средбата по еден погодок забележаа и Баждар, Алајбеговиќ и Мујакиќ.

Се одигра уште еден меч во квалификациската група Х, Австрија дома со 1:0 го совлада Кипар со погодокот на Сабицер од пенал во 54 минута од средбата.

На табелата води БиХ со 12 бодови, пред Австрија со девет, шест има третопласираната Романија, следува Кипар со три, а без бодови е Сан Марино.

Во следните мечеви На 9 септември Босанците ќе ја пречекаат Австрија, додека Кипар ќе се соочи со Романија.

По триумфот на Португалија од 5:0 во Ереван против Ерменија, селекциите на Ирска и Унгарија ремизираа 2:2 во Даблин во рамките од квалификациската група Ф.