Фудбалерите на Рома одиграа реми 0:0 на гости кај Болоња во рамките од 35-тото коло во Серија А и така загубија важни бодови во битката за место во Лигата на шампионите преку првенството.

Натпреварот помина без многу шанси со многу дуели и борба. Болоња имаше поголем процент на посед на топка, во одредени моменти процентот беше и 75%. Рома сепак успеваше да ги запре нападите кон својот гол.

Орсолини за Болоња и Белоти за Рома имаа одлични прилики во првиот дел, сепак мрежите мируваа. Во вториот дел Рома заигра нешто подобро, но сепак голови не видовме.

Рома може да жали за испуштените бодови во трката за топ четири. Клубот од Рим има 59 бодови кои се доволни во овој момент да се само на шестото место кое ги води во Конференциската лига.

Сепак, Рома има шанса да избори пласман во Лигата на шампионите преку Лигата на Европа каде што игра полуфинале и победи во првиот натпревар против Леверкузен (1:0).