Фудбалерите на Бодо Глимт го победија Лацио на домашен терен со резултат од 2:0 (0:0) во првиот натпревар од четвртфиналето на Лигата на Европа.

Уште еднаш, Норвежаните покажаа дека се неприкосновени на својот стадион, каде што оваа сезона паднаа големи клубови како Порто, Бешикташ и Олимпијакос.

Во 47 минута Бодо стекна водство, кога Улрик Салтнес постигна гол по асистенција од Оле Дидрик Бломберг. Истиот играч можеше повторно да постигне гол 10 минути подоцна, но не успеа добро да ја фати топката со глава, која на крајот заврши во гол-аут.

Вториот гол за потврда на победата на домаќините исто така беше дело на Салтнес во 69 минута.

За потсетување, победникот од овој двомеч во полуфиналето на ЛЕ ќе се сретне со победникот од дуелот помеѓу Тотенхем и Ајнтрахт.