Неименуван маж од Калифорнија, кој е бездомник, освоил 1 милион долари на лотарија откако купил билет во локална продавница за алкохол што често ја посетува, пишува „Гардијан“.

„Тој влезе во продавницата, ја изгреба картичката и рече: „О Боже, дали е ова реално? Човеку, јас веќе не сум бездомник!“, раскажал менаџерот на таа продавница, Вилсон Самаан, за „KSBY“, присетувајќи се на ноќта кога била освоена наградата.

 

View this post on Instagram

 

A post shared by Thrifty Beaches Headquarters (@thrifty.beaches)

Човекот првично мислел дека освоил 100.000 долари пред Самаан да потврди дека всушност освоил 1 милион долари. Самаан подоцна го возел човекот, кој нема автомобил, до Фресно за да може лично да го предаде билетот наместо да го испрати по пошта. „Му реков: „Тоа е билет од милион долари… јас ќе те возам до таму“, изјавил менџерот.

Човекот планира со освоените пари да купи куќа и автомобил, додавајќи дека оваа победа му го „променила животот“.

Во видеото објавено од сопственик на локален бизнис, човекот ја потврди својата победа, велејќи: „Освоив милион долари овде во продавницата за алкохол во Сенди и да, едноставно едвај чекам да се тргнам од улицата“.

Шансите за освојување на наградата од 1 милион долари се еден спрема 2.047.423, според Калифорниската лотарија.