Во текот на вчерашниот ден легендарниот тренер Свен Горан Ериксон ја загуби битката и почина на 76-годишна возраст, а со емотивна објава од него се прости и легендарниот Дејвид Бекам.

Славниот фудбалер го посетил Ериксон во неговите последни денови во Шведска каде што Ериксон живееше со најблиските. Свесен за својата состојба неколку дена пред неговата смрт самиот Ериксон објави и проштална порака.

Бекам сега објави видео од нивната средба за која и двајцата знаеле дека им е последна.

– Заедно се смеевме и плачевме, знаевме дека се збогуваме. Свен, ти благодарам што секогаш си бил грижлив, смирен и вистински џентлмен. Засекогаш ќе сум ти благодарен за сè што направи за мене. Засекогаш ќе ги негувам овие последни спомени од овој ден со тебе и твоето семејство. Ти благодарам и за последните зборови до мене „Ќе биде во ред“ – објави Бекам.

Низ кариерата Ериксон беше тренер на 12 клубови и освои 18 трофеи, извесен период беше и селектор на репрезентацијата на Англија.

“We laughed, we cried, we knew we were saying goodbye… in your last words you said to me: it’ll be okay” ?

David Beckham’s emotional tribute to Sven-Göran Eriksson, the England manager who made Beckham Three Lions captain ❤ pic.twitter.com/XfZuSQFAJW

— Sky Sports Football (@SkyFootball) August 26, 2024

Легендарниот Свен Горан Ериксон објави проштална порака: Треба да прифатиме дека и смртта е дел од животот