Во драматичен натпревар со осум гола Барселона запиша нов пораз во Ла Лига од Виљареал со 3:5.

Мрежата првпат се затресе во 22. минута, но голот на Морено беше поништен по реакција на ВАР-технологијата. Но, истиот фудбалер во финишот на првиот дел беше прецизен за водство на паузата на „жолтата подморница“.

По десетина минути игра во вториот дел Акомач се погрижи за 0:2. Барселона како да се разбуди по тие примени два гола и во 11 минути постигна три гола за целосен пресврт. Гундоган намали на 1:2 во 60. минута, Педри израмни на 2:2, а Бејли во 71. минута си постигна автогол.

На крајот кога изгледаше дека Барселона со пресврт ќе дојде до трите бода следуваше вистинска драма и три гола во мрежата на домаќините. Гуедеш во 84. донесе изедначување, а длабоко во судиското продолжение Сорлот и Моралес ги разочараа домашните навивачи.

Барселона со овој пораз остана на десет бода помалку од лидерот Реал Мадрид и осум помалку од второпласираната Џирона.