ВИДЕО: Барса со фудбалер повеќе до триумф над Лас Палмас, Рафиња стрелец
Фудбалерите на Барселона на домашен терен го совладаа Лас Палмас со минимални 1:0 во 30 коло од „Ла Лига“. Каталонскиот гигант беше со играч повеќе од 24 минута од натпреварот, а до победата дојде во второто полувреме.
Препорачано
Барса имаше само еден удар кон противничкиот гол во првиот дел од натпреварот, а Рафиња ја имаше најдобрата шанса во 19 минута кога налета на одбиената топка и ја затресе мрежата. Но, по консултација со ВАР собата голот беше поништен поради офсајд.
Домашниот тим имаше играч повеќе од 24 минута, откако Алваро Валес доби директен црвен картон. Во средината на вториот дел Барселона успеа да дојде до водство. Жоао Феликс одигра покрај Рафиња, кој повторно ја погоди мрежата, само што овојпат немаше офсајд, за позитива од 1:0.
Гостите можеа во 86 минута да го избегнат поразот откако одлична шанса имаше Алберто Молеиро. Барселона успеа да се одбрани, да освои три бода и да ја продолжи трката за првото место со Реал Мадрид.
Барса е на второто место во шпанското првенство со 67 бодови, додека Лас Палмас е на 12. позиција со 37. Во следното коло од шпанското првенство Каталонците гостуваат кај Кадиз, додека Лас Палмас ја пречекува Севиља.
RAPHINHA OPENS THE SCORE FOR BARCELONA! AND WHAT AN ASSIST BY JOAO FELIX! ?pic.twitter.com/4uRCRczjgR
— Stop That Messi (@stopthatmessiii) March 30, 2024
