Фудбалерите на Барселона ја совладаа Осасуна со 3:0 во 27. коло од шпанското првенство и со тоа и сега го зазедоа првото место на табелата.

Каталонците доста лесно се справија со својот ривал, а работата беше завршена во првото полувреме.

Феран Торес ја доведе Барса во водство во 11 минута, а Дани Олмо погоди од пенал во 21 минута.

Конечниот резултат го постави Роберт Левандовски во 77 минута од натпреварот.

Барселона сега има три бода повеќе од Реал Мадрид и е на првата позиција во Ла Лига.