По убедливиот триумф од 4:0 во првиот натпревар, сите помислија дека реваншот од четвретфиналето во Лигата на шампионите за Барселона во Германија против Борусија Дортмунд ќе биде само формален.

Дортмунд играше храбро до крај барајќи ги сите шанси да направи чудо, но на крајот Каталонците се патниците во полуфиналето и покрај поразот од 3:1.

Одлична партија во редовите на бундеслигашот имаше Гираси кој запиша хет-трик со голови во 11 минута од пенал, во 49 и 76 минута.

Единствениот погодок на тимот на Барса се случи во 54 минута за намалување на 2:1 по автоголот на Бенсебаини.

Противник на Барселона во полуфиналето на ЛШ ќе биде подобриот од двомечот Баерн Минхен – Интер (1:2).