Фудбалерите на Барселона славеа победа на домашен терен со 4:0 против Реал Сосиедад во 26 коло од шпанското првенство.

Барса со оваа победа се искачи на врвот на табелата со 57 бодови, а зад себе ги остави Атлетико Мадрид со 56 и Реал Мадрид со 54. Синоќа Реал беше поразен од Бетис со 2:1, чиј кикс го искористи каталонскиот гигант кој моментно е првопласиран во Ла Лига.

Головите за Барселона против Реал Сосиедад ги постигнаа Жерар Мартин, Марко Касадо, Роналд Араухо и Роберт Левандовски. Клучниот момент се случи во 17. минута кога Елустондо доби директен црвен картон поради прекршокот над Дани Олмо.

Тренерот Ханси Флик го искористи големото водство за да ги одмори клучните играчи, а Барселона ја контролираше играта и создаваше шанси до крајот на натпреварот, но резултатот не се менуваше.

Барселона сега ја чека дуел со Бенфика во осминафиналето од Лигата на шампионите, а потоа на Монжуик ќе гостува кај Осасуна.