ВИДЕО: Баркли ги избра двајцата најважни кошаркари во историјата на НБА, меѓу нив не е Џордан
Легендарниот НБА кошаркар, Чарлс Баркли, кој сега работи како ТВ аналитичар, смета дека најважните кошаркари во историјата на најквалитетната лига на светот се Меџик Џонсон и Лери Бирд.
Според Баркли, доприносот на двајцата кошаркари на популарноста на лигата е толку голем да не постојат зборови со кои може да им се заблагодари.
Препорачано
– Џонсон и Бирд се двајцата најважни кошаркари во историјата на лигата. Без нив НБА лигата не би била во ситуација во која е моментно. Нормално, потоа Мајкл Џордан сето тоа го крена на повисоко ниво, но доволно сум стар за да се сеќавам како беше пред него. НБА во тоа време имаше лоша репутација, имаше многу тепачки, премногу црнци, премногу наркотици и лигата не беше исплатлива. Значи кога зборуваме за тоа кој ја создаде историјата на НБА лигата, мораме да зборуваме за Меџик Џонсон и Лери Бирд. Тоа што го направија е неверојатно и никогаш нема да најдеме зборови со кои би можеле да им се заблагодариме – вели Баркли.
Легендарниот кошаркар им оддаде признание и на новите генерации.
– Нормално дека ги сакам Коби, Леброн, Данкан, Јуинг. Но, најважни во приказната се Меџик и Бирд – рече Баркли во интервјуто за Џими Кимел.
