Трабзонспор имаше убедлива предност пред своите навивачи против Монако во четвртото коло од фудбалската Лига Европа.

Турците дојдоа во позитива по автоголот на Сар во 44 минута од средбата, а на стартот од вториот дел за 2:0 се погрижи Витор Хуго после асистенцијата на Бакасетас (48`).

Во 57 минута македонскиот репрезентативец Енис Барди со прекрасен гол од слободен удар стрелаше во мрежата на Нубел за 3:0.

Тоа е инаку прв гол за Барди сезонава за Трабзонспор во Лига Европа, а до сега во турската Суперлига има и два голови реализирани во поразот против Анталијаспор.

Нашиот играч настапи до 64 минута, а неговата замена Трезеге исто така се запиша во листата на стрелците во 69 минута за високи 4:0 против Французите.