Македонскиот фудбалер Доријан Бабунски беше човек на одлуката во швајцарското дерби помеѓу Базел и Грасхоперс вечерва на „Сент Јакоб-Парк“.

Двата тима не се во врвот на шавајцарскиот фудбал, но ривалството помеѓу двете страни секако останува, па така беше и во денешното соочување.

Директен црвен картон во 18. минута заработи Џака и таа предност гостите ја искористија дури по влегувањето на македонскиот интернационалец. Бабунски на теренот влезе во 58. минута, а вистински еврогол постигна во 72. минута.

За Доријан ова беше втор лигашки гол во дресот на Грасхоперс кој со 20 бодови е седми на табелата.