Авион на Алјаска ерлајнс принудно слета синоќа во Портланд, Орегон, откако персоналот пријавил проблем со притисокот во авионот.

Според Си-Ен-Ен , тоа го изјавиле официјалните лица, додека еден од патниците рекол дека прозорецот на авионот паднал за време на летот. Во авионот имало 171 патник и шест членови на екипажот.

An Alaska Airlines flight (brand new 737 Max 9) had to make an emergency landing shortly after takeoff, when a ‘window and a chunk of fuselage’ blew out at 16,000 feet.
Phones, and other items were sucked out when the plane depressurized. pic.twitter.com/WedaE1LjgI

— America?? (@Americafakts) January 6, 2024

Според веб-страницата Flytower, авионот бил во воздух околу 20 минути по полетувањето од меѓународниот аеродром во Портланд, а потоа се вратил на пистата.

Кајл Ринкер, еден од патниците на тој лет, изјавил за Си-Ен-Ен дека прозорецот паднал од авионот веднаш по полетувањето.

Американските воздухопловни власти соопштија дека се работи за авион „боинг 737 макс 9“, кој добил дозвола за летови на 25 октомври минатата година и дека е покрената истрага за овој инцидент.