
ВИДЕО: Арсенал во дербито го совлада Ливерпул и се врати на врвот во Премиер лигата
Фудбалерите на Арсенал го совладаа Ливерпул со резултат 3:2 (2:1), во дерби натпреварот од 10 коло на Премиер лигата. Арсенал повторно се врати на врвот на табелата, има 24 бода, еден повеќе од Манчестер сити и четири од Тотенхем. Од друга страна, кризата на „црвените“ продолжи, па по две последователни ремија, сега претрпеа пораз.
Препорачано
Вицешампионот на Англија моментно е на средината на табелата, на 10 позиција со 10 бодови, а во следното коло има уште едно дерби, против Сити на „Енфилд“.
Натпреварот не можеше да започне подобро за „топчиите“ кои поведоа уште во првата минута. Мартин Едегор со додавање низ одбраната на гостите го пронанајде Габриел Мартинели кој успешно се снајде во ситуацијата „еден на еден“.
Ливерпул во 34 минута успеа да возврати со израмнување преку Дарвин Нуњез, додека асистент беше Луис Диас. И кога се чинеше дека на пауза ќе заминат екипите со нерешен резултат, на сцена стапи Мартинели, овојпат како асистент за Сака, на кој не му беше тешко да постави нога на втората статива и да го совлада Алисон Бекер во петтата минута од судиското надополнување.
Редси повторно дојдоа до нов егал, Жота го проигра Роберто Фирмино, кој со левата нога ја испрати топката во мрежата на Рамсдејл. Конечниот епилог беше поставен во 74 минута кога Тиаго Алкантара невнимателно стартуваше врз Жезус, а во 76 минута пеналот успешно го изведе Сака.
Премиер лига, деветто коло
Недела
Кристал палас – Лидс 2:1
Вест хем – Фулам 3:1
Арсенал – Ливерпул 3:2
Табела:
1. Арсенал 24 бодови
2. Манчестер сити 23
3. Тотенхем 20
4. Челси 16
5. Њукасл 14
—