Фудбалерите на Арсенал во неделата го добија лондонското дерби против Тотенхем со 1:0, во натпреварот од четвртото коло на Премиер лигата.

Стрелец на единствениот гол беше дефанзивецот на „топчиите“ Габриел во 64 минута, кога со глава ја заби топката во мрежата по корнер на Букај Сака.

Арсенал сега има 10 бода, два помалку од водечкиот актуелен шампион Манчестер сити, со кој ќе игра во следната рунда, на гостински терен.

Тотенхем доживеа втор последователен пораз и со четири бода го зазема 13 место на табелата.

Екипата на Тотенхем во следното коло ќе го пречека составот на Брентфорд.