Фудбалерите на Арсенал со 3:0 (0:0) го совладаа Реал Мадрид во првиот натпревар од четвртфиналето во Лигата на шампионите.

Херој на англискиот клуб беше Деклан Рајс кој запиша два прекрасни голови од слободен удар во 58 и 70 минута од средбата на стадионот „Емирати“ во Лондон.

Воедно Рајс стана првиот фудналер кој тоа го направи во нокаут фазата на елитното клупско натпреварување.

Третиот погодок беше дело на Микел Мерино во 75 минута, а додатен проблем за „кралевите“ е црвениот картон на Едуардо Камавинга во судиското надополнување (90+4`).

Реваншот во Шпанија ќе се игра на 16 април со почеток од 21.00 часот. Победникот од овој двомеч во полуфиналето на ЛШ ќе игра со подобриот од дуелите меѓу ПСЖ и Астон Вила.