Историска победа извојува Аргентина против Боливија (3:0) во второто коло од квалификациите за СП 2026. Енцо Фернандез во 31 минута, Николас Таљафико во 42 минута и Николас Гонзалес во 83 минута.

По домашната победа над Еквадор (1:0), Аргентина одлично го започна патот кон одбраната на светската титула.

Аргентинците победија без својот капитен, најдобриот играч и стрелец Лионел Меси, на стадионот „Ернандо Сајлс“, кој важи за најтешкото гостување во светот бидејќи се игра на надморска височина од 3.640 метри.

Тоа е највисокиот меѓународен стадион во светот. На гостите им е тешко да играат таму бидејќи не се навикнати на таква височина, каде што многу тешко дишат, а камоли да трчаат.

Затоа дојденците во Ла Паз се гушат, а гостинските фудбалери повраќаат. Ова е само втора победа за Аргентина на тој стадион од 2005 година.