Најлоши бои на костими за капење се сината и белата, а најдобри се интензивните бои: розовата и портокаловата, додека добро поминуваат и интензивно жолтата и зелената.

Ова тврдење нема никаква врска со модата, туку со безбедноста, а доаѓа од компанијата „Алајф солушнс“ (ALIVE Solutions Inc.), која се занимава со безбедност на вода. На спасувачите им е полесно да ги забележат капачите кои носат костими со светли бои, а при спасувањето понекогаш неколку секунди значат разлика помеѓу животот и смртта.

Давењетово вода е една од најчестите причини за смрт кај населението на возраст од една до 24 години, со тоа што петгодишните се група со најголем ризик, покажуваат податоците од Светската здравствена организација (СЗО). Затоа, една компанија одлучила да ја тестира видливоста на костими за капење во базените, езерата и во морето.

Резултатите се такви што ако го видите ова, веројатно нема ни да помислите да погледнете бели и сини костими за капење.

Видливоста на боите варира во зависност од тоа каде пливате, така што интензивно розовата е добра за базен што нема сини плочки, но е добра и за базени со светол дезен. Сината и белата боја никаде не се добри.

Најлоши бои, според стручњаците, се белата и светло сината, а најдобар избор би биле неонско розовите и неонско портокаловите костими за капење, објаснија од компанијата во својот блог. Иако и темните бои се исто така видливи, тие често може да се помешаат со купишта лисја и нечистотија.

Еве што прави бојата во опкружување на темното дно на базенот. Ова исто така може да биде слично на опкружувањето на езерата со сина боја или темно сините океани.

Со тестирањето се откриени топ боите:

*Светлите и контрастните се победници: неонско жолта, зелена и портокалова како три најдобри избори.

Други резултатите од тестирањата:

*Сината вода значително изобличила некои бои: сите црвени/розови/портокалови тонови изгледале поцрвени и потемни отколку што сме мислеле.
* Белата боја изгледала светло сина во оваа средина и била лесно да се види одблиску, но колку подалеку се оддалечувате, толку побрзо исчезнува.
*Темните бои или соодветните бои брзо исчезнале и доста ги променили боите… црната изгледала посиво, сивата изгледала потемно сина, темно зелената изгледала потемно сина.

Интересно како бојата на позадината го менува она што можеме да го видиме.

Иако овие истражувања беа направени пред две години, односно пред летото 2021 година, предупредувањето се прошири низ целиот свет кога една мајка на Тик-ток неодамна ја тестираше видливоста на костими за капење.

Ники Скарнати е инструкторка по пливање, а во своето видео покажа како пливањето на детето изгледа во реална ситуација, односно колку јасно можете да го видите детето кое носи одредени бои на костим за капење.

@scarnati.swim Just dont do it! Why think about which bathing suits for the splash pad? Just buy bright ones!! ☀️☀️ #selfrescue #selfrescueswimming #selfrescueswim #watersafety #drowningpreventionawareness #springhillisd ♬ original sound – Nikki Scarnati

На сите кои наскоро ќе одат на базени и на море со деца им препорачуваме да го погледнат видеото на Тик-ток, во кое инструкторката по пливање го покажува своето дете во син костим за капење, кој е доста тешко да се забележи.

Исто така, потрудете се да не ставате сина капа на главата на детето, а истата одлука за боја нека важи и за сите работи што детето ги носи со себе во вода или море. Сино на сино не оди добро!