Членството на Шведска во НАТО може да предизвика сериозна реакција од Кремљ, со оглед на тоа што Русија сега е опкружена со „Езерото на НАТО“.

Вака голем број од светските воени аналитичари го нарекуваат Балтичкото Море, бидејќи сега сè повеќе земји од НАТО ја опкружуваат Русија.

Унгарскиот парламент неодамна го ратификуваше приемот на Шведска во НАТО, а сега остануваат само формалности пред Стокхолм да стане 32-та членка на Алијансата.

Russia’s invasion of Ukraine made the Baltic Sea a NATO lake pic.twitter.com/zmz5msuKbr

— Samuel Ramani (@SamRamani2) February 26, 2024

Западните медиуми забележаа дека откако Финска ѝ се приклучи на Алијансата минатиот април како одговор на заканата од Москва, членките на НАТО сега го „заокружија“ Балтичкото Море, вклучувајќи ги Данска, Норвешка, Летонија, Литванија, Естонија и Германија, пишува Њузвик.

„Руската инвазија на Украина го претвори Балтичкото Море во езеро на НАТО“, објави соработникот на Институтот за кралски обединети услуги, Самуел Рамани на мрежата „Икс“, покрај сликата на која е прикажана новоформираната тампон-зона против Русија.

Сепак, Марк Хертлинг, поранешен командант на војската на САД во Европа, рече дека Москва сè уште има силно присуство во регионот. „Многумина поставија мапа на која е прикажано „Езерото на НАТО“ како Балтичко море, но тука постои опасност. Повеќето не слушнале за Калининград или за преминот Сувалки. Ние што служевме во Европа веруваме дека ако Украина падне, ова ќе биде следното место од кое Русија ќе нападне“, напиша тој на мрежата „Икс“.

With Sweden joining @NATO many are posting a map showing a “NATO Lake” as the Baltic Sea.

But there’s danger here. Most haven’t heard of Kaliningrad or the Suwalkie “Gap.” Those of us who have served in Europe believe if Ukraine falls, this will be the next Russia expansion. pic.twitter.com/Ub4ptIEHXD

— Mark Hertling (@MarkHertling) February 26, 2024

Калининград е руска енклава во срцето на регионот и е опкружен со членки на НАТО. Таа руска енклава се наоѓа меѓу Литванија и Полска и во не а се стационирани руски воени средства, вклучувајќи поморски бази, аеродроми и ракетни системи.

Преминот Сувалки се споменува како точка од која Путин може да го започне нападот врз НАТО. Тој е идеален за тие цели, бидејќи има поддршка од голем сојузник – Белорусија. Исто така, користењето на оваа точка за напад би овозможило пробив на територијата на неколку земји, како што се Полска и Литванија.

Сувалки се граничи со Калининград од едната страна и ако руските или белоруските сили го затворат преминот, тоа ќе ја прекине способноста на НАТО да испрати засилување до балтичките земји по копно. Земјите членки на НАТО објавија сценарио, таканаречено „Алијанса одбрана 2025“ во кое се предвидува напад од Кремљ. Меѓу другото, Калининград и превојот Сувалки се споменуваат како точки од кои Русија би започнала напади.