Владата донесе одлука за поведување постапка за разрешување на државниот јавен обвинител Љупчо Коцевски.

– Владата влезе во пресметка со судската власт и разрешувањето на јавниот обвинител е првото скалило на патот кон остварувањето на целта. Сигурен сум дека Коцевски ќе биде разрешен од Собранието, бидејќи за тоа постои расположение кај сите коалициски партии од власта. Следното скалило ќе биде смена на членовите на судскиот совет, врз кои се прави јавен притисок самите да се повлечат од мандатот. Прво премиерот Христијан Мицкоски ги повика да се повлечат, а вчера таква изјава даде и претседателката Гордана Силјановска – Давкова. За очекување е во наредниот период да видиме комплетна промена на првите луѓе во судската власт, која да напоменам, според Уставот е независна во своето делување – вели новинарот на Слободен печат, Срѓан Ивановиќ.