Годинешното издание на најдобриот летен фестивал кај нас „Охрид колинг“, оваа година го затвори реномираната техно кралица Амели Ленс, која на публиката и пружи незаборавно фестивалско искуство.

Фестивалот ја заокружи одличната забава со комбинација на заразниот ритам и хипнотизирачките звуци на еден од најдинамичните диџеи во светот, белгиската диџејка Амели.

Организаторите на „Охрид колинг“, „Авалон продукција“ се погрижија да го направат искуството незаборавно и за неа и за публиката. Со оглед на тоа што Амели е бремена, тие ѝ подарија два пара исти патики, специјално направени за неа и нејзиното бебе, а таа емотивниот момент го сподели со своите фанови во видео на ТикТок.

@amelielenske Being pregnant in nightlife is still a bit of a taboo but it’s always been my dream to have both a succesful career in music but also be a mom. To receive so much support in my decision from all of you and from the clubs and festivals that book me means the world to me ❤️@Ohrid Calling #amelielens #electronicmusic #pregnancy #festival ♬ original sound – amelie lens

Под видеото таа напиша: „Да се биде бремена во ноќниот живот сè уште е малку табу, но отсекогаш ми било сон да имам и успешна кариера во музиката, но и да бидам мајка. Да добијам толкава поддршка во мојата одлука од сите вас и од клубовите и фестивалите кои ме ангажираат, ми значи колку целиот свет ❤️ @Ohrid Calling“