Српската пејачка Александра Пријовиќ за време на гостувањето на телевизијата „К1“, меѓу другото, зборуваше и за својот четиригодишен син Александар, кој во изминатиов период се појавува на секој нејзин концерт.

Имено, момчето ѝ се придружува на сцената додека Александра ја изведува песната „Звук тишине“ и секој пат ги собира симпатиите на публиката.

„Кога беше концертот во Белград, го прашаа: ‘Дали сакаш да излезеш и да ѝ донесеш роза на мајка ти?’. Никако, тоа е многу стресно за него“, раскажува Александра.

Сепак, тој се опушти по третиот концерт во Белград, потоа Пријовиќ ги започна настапите во Сараево.

„На сцената излезе петгодишно девојче, кое го прегрнав и бакнав. Тој го виде сето тоа и почна да плаче. Кога виде дека таа излезе, тогаш сакаше и тој да излезе на сцената. Виде дека воопшто не е страшно. На секој следен концерт, по вториот блок,  знае дека ја пеам песната „Звук тишине“, доаѓа и чека. Јас велам: ‘Аки, не можеш да излегуваш со мене на сцена на секој концерт’“, продолжи таа.

Но, момчето очигледно не ја слуша својата мајка што му кажува. Почнува да плаче секогаш кога нема да му ја исполнат желбата. Пред концертот во Тузла, Пријовиќ мислела дека заборавил на сè, но сепак била изненадена кога ѝ рекол дека овој пат сама ќе излезе на сцената. Меѓутоа, во меѓувреме ги променил плановите.

„Дојдовме, треба да излеземе, а тој скока. Јас велам: ‘Маки, што е?’, вели: ‘Ајде да излеземе, сега ни свири песната’“, открива таа.

Таа откри и зошто Александар понекогаш прави гримаси кога излегува на сцена и дека му рекла да не го прави тоа во иднина.

„Го гледа татко му на мониторот пред мене, а потоа прави гримаси толку многу што излегува дека ја исмева публиката. Така излегува на видеата што ги гледам на TikTok. Тој всушност комуницира со својот татко. “ објасни Александра.

@aprijovic #aleksandraprijovic ♬ Testament – Aleksandra Prijovic