Пејачката Александра Јанева по долго време повторно е заедно со својот брат кои долги години живее во Америка. Пред три години таа напиша и песна за него насловена „Денот што ни носи“ со која настапи на Макфест.

Александра своевремено изјави дека победата не ѝ била толку важна колку што би сакала публиката да ја почувстува емоцијата која таа ја има за својот брат и дека ќе живее за моментот само еднаш да го гушне.

Години подоцна, желбата стана реалност, Александра е повторно со него, а емотивната средба ја објави на својата Инстаграм приказна.

– Почеток на годината каков што не можев ни да замислам. Брат ми е тука до мене после толку години. Само едно ќе кажам до моите и сите други родители кои го чекаат денот кога пак ќе си го прегрнат своето дете. Вие сте херои – напиша Александра, која за оваа посебна прилика подготвила изненадување – чоколадна торта во форма на срце со златни детали на која пишува „Добредојде дома“.