Кога е облачно и кога врне, непријатниот мирис од одводот понекогаш се шири низ целиот дом и станува неподнослив. Дури и ако редовно го чистите одводот, непријатниот мирис може да остане.

Но, постои едноставно решение за тоа. Нема потреба да користите хемикалии, туку искористете го она што веќе го имате во кујната, пишува „Н1“.

Ви требаат следниве состојки:

– 400 мл оцет
– 3 лажици сода бикарбона
– 5 литри вода

Постапка:

Прво истурете сода бикарбона во одводот, а потоа полека истурете оцет бидејќи ќе се формира пена. Оставете го да отстои барем половина час и потоа прелијте го со топла вода. Ова ќе ги исчисти сите преостанати нечистотии и остатоци од маснотии, но и непријатниот мирис ќе исчезне.