Ветиле донација за болница: Најпознатата инфлуенсерка Кјара Ферањи мора да плати милион евра за лажна кампања
Најпознатата италијанска блогерка Кјара Ферањи се извини што ги довела потрошувачите во заблуда за купување на божиќна торта, пишува „Би-би-си“ .
Препорачано
Ферањи, која има 30 милиони следбеници на Инстаграм, треба да плати казна од 1.075.097 евра, поради тврдењето дека со продажбата на нејзиното „дизајнерско“ пандоро (италијански десертен леб) ќе помогне во финансирањето на детската болница во Торино, Италија.
Имено, компанијата која го произведува пандорото – „Балоко“ направила еднократна донација од 50.000 евра пред почетокот на кампањата, така што сумите од продажбата на колачите немале дополнителна врска со донациите на болницата во Торино.
Од Регулаторното тело за антимоноплска власт (AGCM) додаваат и дека фирмите поврзани со Кјара Ферањи, кои сега се санкционирани, не ѝ дале пари на оваа болница и покрај тоа што добиле повеќе од 1 милион евра за промоција на колачите.
„Розевиот божиќен пандоро“ на Ферањи лани се продаваше за 9 евра, што е двојно повеќе од цената на класичното небрендирано пандоро на „Балоко“.
Надзорот на Регулаторното тело за антимоноплска власт откри дека следбениците на Ферањи биле измамени мислејќи дека нивното купување ќе придонесе за набавка на медицинска опрема за болницата за лекување на деца со остеосарком и Јуингов сарком. Оттаму додаваат дека ова претставува „нефер комерцијална практика“.
Гневот околу случајот ја натера премиерката Џорџа Мелони викендов да проговори против инфлуенсерите кои промовираат „скапи колачи што ги тераат луѓето да мислат дека се добротворни “, иако таа не ја спомна Ферањи по име.
