На вечерашниот дочек на новата година на скопскиот плоштад „Македонија“ нема да има огномет, објави порталот „4news.mk“, повикувајќи се на свои извори.

Според порталот, Град Скопје донел одлука парите предвидени за огнометот да ги донира во хуманитарни цели.

За пречекот на новата година на градскиот плоштад „Македонија“ ќе настапат македонски музичари, а Градот пред само пет дена ја објави програмата.

Новогодишната програма под името „Празнична магија 2025“ ќе започне во 19:30 часот со настап на Сара Мејс, по што ќе настапат „Љубојна“ и „Ареа“, а новата година ќе биде дочекана со настапот на „Нокаут“.

Конечно се знае кој ќе настапи во новогодишната ноќ на плоштадот „Македонија“