Киселините во желудникот предизвикуваат чувство на горчлив вкус во грлото, „горење“ и печење, притисок и болка во горниот дел на желудникот и зад градната коска, а се појавуваат поради враќање (рефлукс) на желудочната киселина.

Овие проблеми се поврзани со нездравата исхрана, а за одржување на здрав желудник неопходна е урамнотежена исхрана. Киселините во желудникот особено се појавуваат во овој период, кога мешаме сè и сешто од изобилството храна и пијалаци од празничните трпези.

1. Чај од ѓумбир

Во вода сварете излупено и исечкано парче ѓумбир со големина на палец.
Оставете го да отстои десет минути, а потоа испијте го. Оваа напивка е ефикасна против разни видови воспаленија, а ќе ги смири и киселините во желудникот.

2. Банани

Бананата содржи минимални количини киселини, па затоа го штити и смирува иритираниот желудник.

3. Бадемово млеко

Оваа здрава алтернатива на класичното кравјо или козјо млеко помага да се неутрализираат киселините во желудникот. Со бадемовото млеко направете смути, во кое ќе додадете јагоди, банани и спанаќ.

4. Овесни снегулки

Иритираниот желудник сака храна богата со прехранбени влакна како што се овесните снегулки. Наутро започнете со сад со овесни снегулки кои ќе ви ја дадат потребната енергија за дневната активност, а воедно ќе ги намали киселините.

5. Анасон

Во топла вода ставете две лажици семе од анасон. Оставете да отстои половина час, зачинете со мед и испијте.

6. Кефир и алое вера

Помешајте лажица сок од алое вера со кефир и изедете ја за појадок. Ова е одлична комбинација која го смирува дигестивниот систем, а воедно е и многу вкусна.

7. Зелен лиснат зеленчук

Јадете колку што е можно повеќе зелен лиснат зеленчук, како што се брокула, целер и карфиол, кои содржат малку киселина и помагаат во борбата против киселините.