Важно откритие: Витаминот Д помага во намалување на ризикот од рак на дебелото црево
Земањето витамин Д би можело да помогне да се избегне развој на рак на дебелото црево, сугерира студија на унгарски научници. Овој витамин е поврзан со намалување на ризикот од развој на болеста, но и со подобрување на исходите кај пациенти кои веќе се болни, тврдат авторите на новата студијата.
Препорачано
Познат и како „витамин на сонцето“, луѓето го добиваат витаминот Д преку изложеност на сончева светлина и од храна како што се масна риба, црвено месо и жолчки од јајца. Сепак, научниците предупредуваат дека Европејците, особено оние кои живеат во градовите, имаат зголемен ризик од недостаток на витамин Д. Затоа, тие ја нагласуваат важноста на земањето додатоци на витамин Д, кои можат да се купат во аптеките без лекарски рецепт. Ова откритие доаѓа во време кога има зголемување на случаите на рак на дебелото црево кај помладите луѓе. Во последните 30 години, фреквенцијата на оваа болест кај младите луѓе се зголемила за дури 80 проценти.
До 50 проценти помал ризик
Во претходно споменатата студија, унгарските експерти анализирале 50 претходни студии во кои биле вклучени повеќе од 1,3 милиони пациенти. Тие откриле дека луѓето со соодветен внес на витамин Д имале од 25 до 58 проценти помала веројатност да развијат рак на дебелото црево. Тие исто така откриле дека земањето додатоци на витамин Д е поврзано со намалување од четири проценти на ризикот од рак на дебелото црево за секои 2,5 mcg внесени во телото. Инаку, се препорачува секое лице над една година да консумира 10 mcg од овој витамин дневно.
Ревизијара на унгарските научници, исто така, откри дека пациентите со рак на дебелото црево со повисоки нивоа на овој витамин имале подобри исходи. Научниците цитираа една студија која открила дека пациентите со рак на дебелото црево во доцна фаза кои примале високи дози на витамин Д дневно живееле во просек два месеци подолго. Други претходни студии покажаа дека пациентите со рак на дебелото црево кои имаат повисоки нивоа на витамин Д имаат 50 проценти помала шанса да умрат од болеста.
Како помага витаминот Д?
Научниците веруваат дека витаминот Д помага во борбата против ракот, така што го смирува воспалението кое може да биде причина за промените што стануваат тумор, но исто така и со зајакнување на имунолошкиот систем на телото, помага во уништувањето на клетките на ракот и спречување на растот на туморите.
