Како што стареат, некои кучиња стануваат уморни, дезориентирани и се движат побавно и потешко. Со промените кои неминовно го придружуваат стареењето, се зголемува ризикот и од хигиенски незгоди, па постарите кучиња, малку по малку, почнуваат да уринираат во домот.

Доколку забележавте дека вашиот стар миленик почесто уринира во вашиот дом можеби го мачи некоја од овие 6 причини.

Инфекција на уринарниот тракт

Домашните миленици со инфекции на уринарниот тракт имаат потреба од почесто мокрење.

Хормонално нарушување

Ако губењето на контролата над мокрењето е поради хормонално пореметување или губење на одредени хормони, кучето нема да има контрола над мокрењето, па ќе испушта урина во капки или ќе уринира додека оди. Ова најчесто се случува по стерилизација.

Дијабетес

Ако на кучето му се дијагностицира дијабетес, тоа ќе доживее губење на тежината и покрај постојаниот глад, катаракта, слабост и често мокрење.

Бубрежна болест

Оваа болест е многу честа кај постарите кучиња, а поради зголемената потреба за мокрење, кучињата понекогаш вршат нужда во домот, бидејќи не можат долго да ја задржат урината.

Артритис

Ако кучето има потешкотии да се намести за да уринира, веројатно има болки во грбот и ќе избегнува да мокри на прошетките. Кучињата кои страдаат од болки кога треба да уринираат чекаат додека не им се наполни мочниот меур, а потоа не можат да ја задржат урината и уринираат во домот. Кучињата со повреди на ‘рбетниот мозок треба рачно да ги празнат мочниот меур на секои 4 до 6 часа.

Деменција

Има многу знаци на деменција кај кучињата, но мокрењето во домот е еден од првите знаци дека кучето почнало да заборава каде да оди за да се олесни.