Еврокомесарот за проширување, Оливер Вархељ објави денеска дека државите членки на ЕУ одобриле примена на нова, ревидирана методологија во пристапните преговори со Србија и Црна Гора.

„Многу сум задоволен што државите членки дадоа зелено светло за примена на нашата ревидирана методологија во процесот на проширување на ЕУ за Србија и Црна Гора, откако и двете земји прифатија“, напиша Вархељ на Твитер.

Very pleased that Member States gave green light to application of our revised #EUenlargement methodology to #Serbia & #Montenegro, after both accepted it. Aim is to make process more credible, predictable, dynamic, w stronger political steer. Thanks also to @2021PortugalEU!

— Oliver Varhelyi (@OliverVarhelyi) May 6, 2021

Тој додаде дека целта на новата методологија е да го направи „процесот веродостоен, предвидлив, динамичен и со силно политичко управување“.

Новата методологија, која на крајот на 2019 година ја предложи Франција за зголемување на ефикасноста на процесот, првенствено е наменета за Македонија и Албанија, кои се уште не ги отворија преговорите со ЕУ за членство.

Србија и Црна Гора, кои преговараат со ЕУ, можеа да бираат дали ќе се префрлат на новата методологија или не, по што и двете се одлучија за новиот режим.

Извор: Бета.рс