Вардар од „плус седум“ позитива до пораз од Војводина на регионалниот турнир во Скопје
Екипата на Вардар не успеаја да триумфираат денеска на средбата против српската Војводина, иако на целиот меч имаше водство.
Препорачано
-
1
-
2
-
3
Иако Вардар во второто полувреме имаше 27:20, играчите на Војводина направија целосен пресврт до крајот на мечот и дојдоа до победата со гол кој го реализираа во последните секунди од мечот (28:27) во рамките од регионалниот ракометен турнир што се одржува во Скопје.
В сабота Вардар ќе игра против Еурофарм Пелистер кој ќе решава за конечниот пласман на турнирот во СЦ „Борис Трајковски“ од 21.00 часот.
Вардар во текот на првиот меч на турнирот славеше против Ловќен од Црна Гора со 38:29.
Втора победа на турнирот запиша Еурофарм Пелистер кој со 37:27 го надигра Ловќен, а претходно на стартот ја совлада и Војводина со 30:29.
Во женска конкуренција Металург Автокоманда загуби по вторпат откако со 32:23 беше совладан од Будуќност од Црна Гора.
Втор пораз доживеа и тимот на Ѓорче Петров, како подобар излезе претставникот од Србија, Бор, со резултат 30:28.
