Денеска во СЦ „Јане Сандански“ екипата на Вардар 1961 во домашниот шампионат ја оправда фаворитската улога совладувајќи го Пролет 62 со резултат 30:24 (15:13).

По почетните 1:1 на семафорот, играчите на Стевче Алушовски стекнаа предност од 4-1, а после 15 минути игра во првото полувреме беше и 9:4. „Црвено-црните“ одржуваа предност од 4-5 голови разлика, но во самиот финиш гостите имаа добар период и на пауза заминаа со само два гола негатива.

Во вториот дел одново со серија погодоци Вардар 1961 се одвои на „плус пет“, а противникот кој не се предаваше така лесно имаше шанса со серија на добра игра да дојде и на „минус еден“, но не успеа.

Вардарци не дозволија изненадување и до самиот крај го контролираат текот на резултатот. До крајот домашните само рутински ја одработија задачата за конечни 30:24.

Кај победниците Дибиров блескаше со девет гола, а по пет запишаа Јагуриновски, Георгиевски и Талески. На спротивната страна Аларов постигна седум погодоци.

Фото: Денис Дуковски/РК Вардар1961