ВАР технологијата повторно ја имаше главната улога во Премиер лигата, овој пат на дерби натпреварот од петтото коло помеѓу Евертон и Ливерпул завшри без победник 2:2.
Натпреварот заврши без победник поради ВАР технологијата која им поништи гол на „црвените“ во судиското продолжение поради милиметарски офсајд, а во првото полувреме исто така на Ливерпул не му беше досуден пенал, и овие моменти кои дефинивитно ќе ја возбудат јавноста.

Ливерпул поведе со голот на Садио Мане уште во третата минута, а ВАР технологијата стапи на сцена амо неколку минути подоцна и го оштети Ливерпул.
Имено, Ван Дајк се најде во шанса за гол, а голманот на Евертон, Пикфорд со лизгачки старт го повреди Холанѓанецот кој потоа мораше да ја напушти играта, а заслужи црвен картон. Но, од ВАР собата му сугерираа на судијата Мајкл Оливер дека Ван Дајк се наоѓа во милиметарски офсајд по што и Пикфорд се спаси од исклучување.

Somehow, Pickford hasn’t been sent off for this.

Van Dijk has been replaced by Gomez. pic.twitter.com/WMzWl6uOGj

— Fantasy Hub (@FantasyFootyHub) October 17, 2020

Евертон набрзо израмни на 1:1 преку Мајкл Кин. Во второто полувреме Ливерпул повторно доаѓа во предност благодарение на голот на Мохамед Салах во 72. минута, додека Евертон израмнува само девет минути подоцна преку Доминик Калверт-Луин.

Во судиското продолжение, „црвените“ постигнаа гол за водство од 3:2 преку Џордан Хендерсон, но ВАР системот повторно одлучи дека станува збор за офсајд, односно асистентот Садио Мане бил во милиметарски офсајд и го поништи голот на Ливерпул.