Колку се некои граѓани несовесни и колку не се грижат за општото добро, може да се види од она што се случува на улицата „Орце Николов“. На оваа улица која беше целосно реконструирана пред неполни две години, „итрите“ граѓани извадиле и искршиле дел од заштитните столпчиња за да си обезбедат повеќе место за паркирање или, можеби,  столпчињата кои ја одвојуваат велосипедската патека им пречеле при возење.

На ова реагираше и градоначалникот на Општина Центар, Горан Герасимовски.

Глетката на оштетени столпчиња и урбана опрема ужаснува и ова вандалско однесување е за секоја осуда. Овие столпчиња се од безбедносен карактер и има причина зошто општината ги поставила токму таму – вели Герасимовски.

Градоначалникот апелираше до граѓаните да бидат совесни и да се однесуваат одговорно кон урбаната опрема, затоа што таа е јавно добро и им служи на сите.