Ван де Бек од Манчестер јунајтед се сели во Ајнтрахт Франкфурт
Фудбалерот од средниот ред на Манчестер јунајтед, Дони ваб де Бек во јануари ќе ја продолжи кариерата во Германија, пренесува новинарот Фабрицио Романо.
Препорачано
-
1
-
2
-
3
Холандскиот интернационалец ги договори сите услови да оди на позајмица во редовите на Ајнтрахт Франкфурт. Договорот ќе стапи на сила откако Ван де Бек ќе ги помине лекарските прегледи на почетокот од зимскиот преоден рок.
Исто така за бундеслигашот ќе има и опција со право за откуп на договорот на играчот на крајот од сезоната.
Се пресели на „Олд Трафорд“ во летото 2020 година од Ајакс, после сезоната во која постигна 10 голови и имаше 11 асистенции во 37 мечеви, а играше и во полуфиналето на ЛШ.
?? EXCLUSIVE: Donny van de Beek to Eintracht Frankfurt, here we go! Verbal agreement now in place.
?? Exclusive details: loan until June — buy option included for €15m potential package, add ons included. It’s NOT mandatory.
Eintracht will also pay #MUFC a loan fee. pic.twitter.com/xniA1NMFRK
— Fabrizio Romano (@FabrizioRomano) December 15, 2023
Но, во Јунајтед не го покажа сиот потенцијал, а оваа сезона играше само на два натпревари. До сега во дресот на „црвените ѓаволи“ за три сезони имаше 62 настапи, со два гола и две асистенции.
Во јануари годинава имаше повреда на коленото поради која не играше до крајот на минатата сезона.
