Реал Мадрид доживеа дебакл во градското дерби против Атлетико (2:5), а особено незадоволен од својот настап беше Федерико Валверде.

Уругваецот, кој минатата сезона играше одлично и важеше за еден од „моторите“ на тимот, со доаѓањето на Чаби Алонсо се соочува со проблеми во својата игра.

„Фрустриран сум. Свесен сум како играм. Играч знае кога не ги прави работите како што треба на терен,“ изјави Валверде, покажувајќи самокритичност.

Тој призна дека му е тешко да се прилагоди на новиот систем:

„Добро го започнав овој нов проект, но сега ми е потешко да се чувствувам пријатно. Ќе продолжам да давам сè од себе како капитен, и на теренот и надвор од него.“