Вакцинираното население од Тексас ќе има предност во лекувањето пред невакцинираните, пренесува Форбс.

Ваквата одлука властите ја донесоа откако во Тексас и останатите држави на јужниот дел на САД се соочија со нов раст на бројките на заразниот делта сој. Во голем број од болниците нема слободни кревети, по што властите беа принудени да преземат некакви мерки.

Здравствените работници се надеваат дека ќе ја избегнат таква ситуација и дека нема да мораат да дадат предност на вакцинираните.

Логиката која ја користат докторите е дека вакцинираните лица имаат поголема веројатност да преживеат, па затоа ним им даваат приоритет.

Според Институтот за јавно здравје на Тексас, во градот Далас во градската болница има само уште 80 слободни кревети, а бројот на жители во градот е 8 милиони. Бројот на хоспирализирани лица поради Ковид-19 во Тексас е 12,402 пациенти.