Случајот со италијанскиот тенисер Јаник Синер бил „милион милји оддалечен од допинг“, изјави висок функционер на Светската антидопинг агенција (ВАДА), Рос Венцел, пренесува Би-би-си.

Синер беше суспендиран на три месеци пред три дена, откако постигна договор со ВАДА, кој првично бараше суспензија од една до две години.

– Ова беше случај кој е оддалечен милион милји од допинг. Научната повратна информација што ја добивме беше дека ова не може да биде случај на намерен допинг, вклучително и микро-дозирање – рече Венцел.

Би-би-си пренесува дека Венцел ги отфрлил барањата за посебен третман и рече дека условите на суспензијата, за кои некои тврдат дека ќе имаат мало влијание врз Синер, се соодветни за овој случај и дека тенискиот календар не бил земен предвид.

Суспензијата на Синер стапи на сила на 9-ти февруари и ќе трае до 4-ти мај.

– ВАДА доби пораки од оние кои веруваат дека казната е превисока и во некои аспекти некои велат дека е неправедно кон спортистот, а други велат дека не е доволна. Можеби тоа е показател дека, иако нема да биде популарна кај сите, можеби е показател дека тоа е вистинската казна. Кога ги гледаме овие случаи, се обидуваме да ги разгледаме технички, оперативно оперативно и тоа не го правиме со страв од тоа што ќе каже јавноста, политичарите или кој било друг – вели Венцел.