Студентите кои блокираат најавија нови акции за блокирање на главниот град на Србија за утре.
Од 7 до 10 часот наведуваат дека „насекаде“ во Белград ќе има блокиран сообраќај. За повеќе информации велат дека граѓаните може да се информираат на нивниот сајт https://blokade.org.

Во исто време, група која се претставува како „Студенти за Србија“ најави свој собир и влез во факултетите и најави дека „преостануваат само уште 24 часа до ослободувањето на белградскиот универзитет“.

Непознато е кој стои зад групата, но најавија собир утре во 12 часот и 30 минути кај паркот Автокоманда и ветуваат дека „ќе ги ослободат сообраќајниот факултет, ФОН и Факултетот за политички науки“.